總瀏覽量

2012年8月4日 星期六

巡視業務.領匯.富東廣場 @2012-08-04

(from Yahoo Blog)
2012年8月4日下午5:04|公開|累積瀏覽 1433
 
富東邨係一個相對年輕的社區, 富東廣場同其他公屋商場最大嘅分別係幼稚園多過老人院。因為地理位置關係, 除咗富東邨街坊之外, 商場內亦有為數不少的外藉人士。喺富東廣場裡面, 絕對可以感受到香港係一個華洋雜處的國際都會。

鄰近的東薈城則另有定位, 由原先的「民生場」逐漸轉型為自由行旅客的血拼聖地, 身處東涌東薈城, 竟有置身於銅鑼灣時代廣場的氣勢。
 
做生意有所謂「百貨賣百人」, 富東廣場並冇同東薈城硬撼 (亦冇咁嘅資格作正面交鋒), 繼續主攻民生物品, 場內最響噹噹的, 並非甚麼大品牌, 而係一檔賣韓式食品賣到開晒巷嘅街市檔口仔。
 
由柴灣去東涌, 唔使諗, 一定係搭港鐵 (A出口), 過咗天橋就係富東廣場, 一來一回, 用咗$22.9×2
 
 
富東廣場 (地址:大嶼山東涌富東街6號), 1997年落成, 面積178,700呎。由2008年開始做資產提升工程, 並於2009年完成
 
出咗港鐵東涌站, 過咗天橋就係富東廣場
 
商場內, 玻璃天窗下的裝飾——甲蟲 (萬寧.103號舖外)
 
直行, 就係富東廣場中庭
 
中庭頂部, 超hard-sell的領匯logo
 
供居民休息用的長凳, 分高座、低座
 
759阿信屋富東邨新店 (113B-114號舖), 舖位前身係聯合電業
 
顧客服務台。因為富東廣場有唔少非富東居民摸上門, 坐呢個位嗰位姐姐都幾唔得閒, 成日都有人問野, 佢仲要識得兩文三語呢
 
服務台側近有條扶手電梯, 可以落去街市。扶手電梯中央的裝飾, 都係甲蟲仔, 好sharp, 好可愛
 
落到地下有個富東萬有街市。街市入口有檔報攤仔, 叫「堅料快訊」, 連改個名都堅過人
 
街市門口直入, 呢檔仲堅! 東大門韓國食品 (萬有街市F43號檔), 小小的街市檔, 個躲響到連城中公認嘅食家都聞風而至, 再經佢地推介一下, 人人慕名而來, 呢下更加不得了咯
 
聚龍燒味餐廳 (F1-F2, F47-F52號舖), 喺「堅料快訊」隔籬, 照睇個舖頭冧把, 我覺得佢係由街市度劏位出嚟
 
近發記甜品 (地下23號舖) 的商場入口
 
巡完地下嗰層, 跟住上番一樓。七洋發展飲食集團旗下的富東海鮮酒家 (110A號舖), 側邊嗰兩行舖頭, 都係堀頭巷, 我覺得怪怪地, 冇理由個商場會咁樣設計架? 後尾睇到酒樓旁邊塊水牌, 我肯定係領匯將間面積過大嘅酒樓斬件拆細, 如果估錯, 請知情人士指正, thx~
 
永發文具精品店 (110D號舖) 就係喺其中一條倔頭巷, 店內告示一概以中英文並列, 因為都幾多外籍人士
 
防煙門款式。較早期做資產提升工程嗰批商場, 都會有意無意加D橙色 (富東海鮮酒家.110A號舖側)
 
一連幾間小店, 左至右, M&S時裝 (126號舖), Sakura櫻之戀飾物 (125號舖), Yippy時裝 (124號舖)
 
佔地頗廣的「樓上」(112號舖)
 
保良局張潘美意幼稚園 (KG01號舖) 外
 
商場外。富東邨係新發展社區, 根據房署原先嘅規劃, 商場內有好幾間幼兒學校
 
開邨15年之後的今天, 3樓已有一間空置了, 呢D地磚配搭, 相信係保留咗房署年代的舊貌。隨著本港人口老化, 若干年後會同其他公共屋邨一樣, 將幼稚園改建成護老院嗎? (3樓KG03外)
 
3樓, 香港聖公會東涌幼兒學校 (DN號舖)
 
2樓左至右, 富東廣場管理處, 香港聖公會東涌綜合服務 (CYC號舖), 工聯會東涌地區聯絡處 (202號舖)
 
四方格仔天花架, 係房署商場的標準樣板, 只係從來冇人批評房署將D商場單一化罷了
 
望內園景的觀光電梯
 
最初被設計成商場正門的地方, 其實最少人行。見微知著, 房署只會完成上頭指定嘅任務——起商場, 但係並不諳營商之道, 連人流嘅流向都預計錯晒
 
富東廣場外觀
 
離開富東廣場, 去到連接東薈城嘅港鐵天橋。天橋內有幾間mtr shops, 其中有位元堂、利康藥坊、北京同仁堂, 位於港鐵天橋位, 好明顯係想食自由行條水。領匯想執番D水尾, 所以加咗「樓上」入富東嘅商戶組合裡面, 藉以擴大自由行嘅活動範圍, 絕對係明智之舉。
 
 
 
領匯官方網頁對富東廣場資產提升工程(AEI)的描述:
 
富東廣場是一座位於東涌、擁有兩層零售設施的商場,毗鄰港鐵東涌站。富東廣場鄰近本港著名旅遊景點昂坪360吊車,東涌亦是遊客前往大嶼山其他旅遊景點如天壇大佛、寶蓮寺等的必經之路。資產提升工程善用並充分發揮富東廣場的優勢及潛力,同時改善了東涌的居住環境。藉著提升商戶組合及增加商舖和食肆的數目,全新的富東廣場為不斷增加的居民、工作人士及遊客提供日常所需,成為區內方便的飲食及購物熱點。
 
 
***
 
 
 

沒有留言:

張貼留言