(from Yahoo Blog)
2012年4月4日下午5:45｜公開｜累積瀏覽 2171
早幾日沙田區嘅領匯商戶代表開咗個記招, 話領匯瘋狂加租, 迫走新翠商場嗰間「麵包老店」喎。
我上個月至嚟過新翠, 都冇見過乜野「麵包老店」, 係得間「東京麵包」 之嘛.......係連鎖店嚟架喎。
為咗證實吓自己有冇記錯, 今日專登再嚟多次大圍, 睇吓係我記錯, 還是有人搏大霧, 屈得就屈。
綜合報章資料及個人觀察, 有以下估計：
| 舖號 | 行業 | 原租金 | 調整後 | 近況 |
| 1A | 麵包店 | 50,000 | 120,000 | 東京麵包退租, 由凱施餅店補上 |
| 1 | 飯店 | 60,000 | 110,000 | 棄糊, 動向未明 |
| 2 | 辦館 | 14,500 | 25,500 | 搞大佢, 爭取談判籌碼 |
大圍站附近起多咗好多新屋苑, 新屋苑一定會有大型商場, 如果D公屋商場唔提升自己嘅競爭力, 好容易會落後於人, 到時盞粥水都冇得食。
上個月嚟過一次, 今次再嚟, 新街市開多咗好多檔口。
成記小食 (新翠街市G01號檔) 生意唔錯......遲D超市開埋之後, 佢應該會更加好生意
今日係清明, 超多人要買祭品, 榮發 (新翠街市G16號檔) 做到踢晒腳。
領匯要時間調整商戶組合, 商場入面仲未有咩睇頭, 暫時嚟講, 最有瞄頭嘅反而係個街市。遲D商場入面嗰間「百佳」都會搬過嚟
新儀樓地下的「隆發辦館」(2號舖), 老闆守住個門口, 有點「生人勿近」的氣勢, 我係「生面人」, 所以都唔夠膽行上去。企咗一陣, 聽到佢向個C9發嘮騷, 猛咁講「5萬變12萬」單野, 不斷散發負能量, 狂數領匯, 到個C9問番佢, 領匯加佢幾錢租嗰陣, 佢又唔係好想講, 支吾以對：「百份之五十囉!」( 講實數加$11,000, 佢可能覺得唔夠震撼 ! ) C9再問：「咁你點呀?」佢又吞吞吐吐：「唔做架喇 !」..... 見個C9冇反應, 佢再加多句：「你再見我唔到架喇 !」佢以為人地會唔捨得佢啦...點不知阿C9都係無動於衷, 冇嚟反應, 找完錢就掉頭走咯!........阿乜生, 咪傻啦, 你以為人地會唔捨得你咩?? 呢個世界冇話冇咗邊個唔得嘅! 更何況你賣嗰D野, 四周圍都買得到啦! (立此存照, 下次再嚟新翠, 睇吓佢係咪真係唔做先~)
趁佢行開咗, 我至夠膽行近D
果然冇記錯, 個商戶主席所講「領匯狂加租, 五萬變12萬」嘅所謂「麵包老店」, 其實係話「 東京麵包」。呢個1A舖係龍頭位, 差不多係必經之路, 屬於兵家必爭之地, 大把人爭住租, 5皮野租俾「東京」?? 著數咗佢咁多年, 乜都夠皮啦! Anyway, 依家同我嘅諗法一樣, 搵咗「凱施餅店」(1A號舖) 嚟接手。
另一間因為加租而決定棄糊嘅係金翠酒家 (1號舖), 佢留低咗個"門口土地"冇拎走
上次影得唔夠清楚, 今次再影
百佳 (13號舖) 將會搬出去街市嗰邊......., 呢個位咁大, 遲D睇吓領匯點樣發揮先。其實領匯都要再花一輪時間調整商戶組合, 一步一步執番好個場, 至可以抵禦附近新商場嘅吸力, KEEP住D街坊「留邨消費」架。
呢間好味店 (9號舖) 主力售賣零食, 都有市場 (如果759阿信屋都嚟埋, 就唔敢包!)
唔係想咒佢, 只係覺得呢間唔知玩得幾耐 (新翠食品公司．17號舖)
您想髮廊 (33D號舖), 上次嚟都唔係咁樣
通美電業水電工程 (37號舖)
地球文具公司 (27號舖) & 富利裝修工程 (26號舖)
呢間必勝客 (41-42號舖) 已經係全場最靚嗰間
街市上面有個天台花園
幾個新屋苑距離新翠邨好近, 如果領匯唔執好D個場, 班街坊客好容易流失
| 新翠商場．商戶名單 @2012-04-04 | |
| 地下 | |
| 1A | 凱施餅店 (即將開業) |
| 1B | 麥當勞 |
| 1 | （吉舖） |
| 2 | 隆發辦館 |
| 3 | 世家五金家居用品 |
| 4 | 屈臣氏 |
| 5 | 中原電腦 |
| 6 | OK便利店 |
| 7 | 慧雅琴行 |
| 8 | 新翠郵政局 |
| 9 | 好味店 |
| 10 | 鴻昌文具 |
| 11 | 北京藥業公司 |
| 12 | 東亞銀行 |
| 13 | 百佳超市 |
| 13A | 糕糕糕食品 |
| 14 | 波仔 |
| 15 | 奇樂快餐店 |
| 16 | 金翠園粥麵 |
| 17 | 新翠食品公司 |
| 18 | 彩龍餐廳 |
| 18A | 彩龍餐廳 |
| 二樓 | |
| 19 | 新偶像髮型 |
| 20-21 | 日本城 |
| 22 | 迪斯琴行 |
| 23 | 學習無限 |
| 24-25 | 香港家庭計劃指導會 |
| 26 | 富利裝修工程 |
| 27 | 地球文具公司 |
| 28 | （吉舖） |
| 29 | 新翠大藥行 |
| 30 | 西醫陳家法 |
| 31 | 西醫朱倫彪 |
| 32 | 牙醫胡漢堅 |
| 33 | 西醫梁樹深 |
| 33A | 新翠商場管理處 |
| 33B | 國際聯合現代中醫綜合診所 |
| 33C | 開心漫畫廊? |
| 33D | 您想髮廊 |
| 33E | 綋科電腦 |
| 34 | 金福酒家 |
| 35 | 嘉琪歐洲時裝 |
| 36 | （吉舖） |
| 37 | 通美電業水電工程 |
| 38 | 新翠眼鏡 |
| 39 | (吉舖) |
| 40 | 新翠攝影沖印 |
| 41-42 | 必勝客 |
沒有留言:
張貼留言