總瀏覽量

2017年6月20日 星期二

[領展商場] 利東商場 @2017-06-20

尋日講起「乳鴿復仇記」的主角, 那位肩負家族情仇, 不愁衣食的「商二代」, 曾恃著自己區議員身份, 帶住一班人衝上領展總部撒野, 肆意堵塞通道, 影響整棟大廈的上班人士出入, 將唔關事的人拉落水, 當作自己的談判籌碼, 盡顯其無賴的一面。

再講, 做生意要靠業主良心發現, 收你「低於市值租」才能生存的話, 已經代表這檔生意失去市場競爭力, 關門大吉是遲早的事, 委過於人只不過是Loser中之Loser的行為而已。

問心講, 如果你係「非牟利」的慈善機構, O2唔介意以「優惠租金」租畀你, 不過你間時裝店唔係囉。

 
1. 此照片摘自2016-06-17明報, 6月天時, 熱鬼辣辣, 個貨架仲掛住咁多長袖衫, 呢盤生意的經營狀況已可見一斑, 唔好賴得就賴, 而且仲要公報私仇添, 可恥!!

2017年6月15日 星期四

天水圍C9短炒深井車位,關領展咩事先

泊車位的「需求」有增無減, 但「供應」卻追不上, 縱使領展的泊車位年年加租, 但仍然擋不了車主的需求。
 
 
香港近年私家車與泊位增長幅度
 
領展官網

2017年6月9日 星期五

[食環貴 領展平] 高永文出招了

領展街市的改革路一㸃也不易行, 大元、天瑞、樂富、良景、長發... (太多, 數唔晒), 名副其實是粒粒皆辛苦。

以O2呢幾年實地視察, 日日去街市買餸的「真正用家」對新街市是受落的, 反而嘈得最犀利嗰D, 係甚少行街市的人, 只是口裡/上網嚷著甚麼「童年回憶」、「此情不再」, 藉以宣洩他們對社會不滿的情緒。

香港人花了不少公帑養住一班牛鬼蛇神, 在垃圾會鬼打鬼, 終日吵吵鬧鬧, 頭上戴著「為民請命」的光環來呃飯食, 趁勢向高永文施壓, 要求增建公營街市。

高局長已三番四次指出,我們亦注意到在要求設立新公眾街市的意見當中,不少是假設食環署管理的公眾街市所售賣的貨品必定較其他機構經營的街市設施及超級市場廉宜,然而這假設並沒有事實基礎, 但嗰班牛鬼蛇神總是選擇性失聰, 聽不入耳, 答完又問, 無限Loop地質詢完一次又一次, 就像唐三藏向徒兒孫悟空唸咒那般, 煩到高永文死下死下。

高生終於還拖了...
 
 
星島日報
 
 
綜合媒體資料:
 
政府向立法會提交的文件指出,食環署去年下半年委聘顧問公司,比較全港22個相對興旺的食環署街市、附近18個領展街市51間超市,及154個鄰近新鮮食品零售店,出售的31種常見食品,收集了超過1.7萬項價格數據,包括肉類、魚類、蔬果、罐頭食物等。
 
結果發現,食環署街市食品較其他零售店便宜的假設,沒有數據支持。有17種在食環署街市出售的食品,售價貴過領展街市及零售店,不過較超級市場便宜,如新鮮瘦肉食環署街市平均賣每斤50元,領展賣每斤45.5元。
 
有6種在食環署街市出售的食品,平均價格貴過領展街市,但較超級市場及零售店便宜,如新鮮牛腩食環街市每斤88.2元,領展街市賣每斤80元。
 
另外,5種於食環署街市出售的食品,貴絕其他3類地方,如冰鮮雞食環署街市賣每斤36.2元,其他3類地方賣每斤27.4至34.2元;只有兩種食品於食環署街市賣得最平,如紅衫魚及黃花魚。
 
面對如此之結果, 牛鬼蛇神當然唔服氣, 反過來指調查別有用心,質疑政府以調查結果作為不興建公眾街市的「擋箭牌」,逃避責任,也質疑是否為日後街市加租鋪路。
 
唔好忘記, 工聯會自己都有個「兩餸一湯指數」調查, 調查結果都係食環街市貴過領展街市喎, 呢個「兩餸一湯指數」正正就係由麥美娟牽頭, 麥姑娘你一定唔會放水畀領展啦...
 
    
「兩餸一湯指數」 by 工聯會
 
工聯會「兩餸一湯指數」2016年第三季調查結果

2017年6月3日 星期六

[領展街市] 啟業市場 Food Terminal @2017-06-03

從網上及報章也難找到啟業街市翻新的資訊, 又沒有那些側重政治多於民生的乜乜街市關注組Facebook專頁可作參考, 於是乎O2在啟業街市裝修期間都親身嚟過幾次, 睇下佢究竟幾時至開得張。

  
1. 街市今日終於重開, 現稱「啟業市場 Food Terminal」

2017年5月31日 星期三

天水圍的天使

天水圍是O2非常非常關心的社區, 原因如下:

- 天水圍區的823場會生金蛋
- 天耀居民馮志豪先生令敝Blog更熱鬧, 聲音更多元

最近發現, 原來天水圍有位守護天使, 佢叫Terence, 是天水圍民生關注平台的成員, 曾於《獨媒》發表文章, 近日接受《東方》訪問。

 
天水圍的天使與冤鬼, 留意, 係冤鬼, 唔係魔鬼
 
  
推介以下文章, 畀同O2一樣咁關心天水圍區的朋友 :

2017-05-14|獨媒|歷史的空白 - 天水圍專題調查感言  ← 強烈推介
2017-05-28|東方|我城我區:天水圍發展 原來諗過設工業區?
2017-05-29|東方|搜查線:大學生查檔案 望天水圍搣甩悲情

2017年5月30日 星期二

[爭地盤] 抗衡領展要齊心,做乜搞到鬼打鬼

 
 
何俊賢批評朱凱廸號召踩場,連累農戶。(設計圖片)
 
 
2017-05-30|東方|政情:墟市遭踩場累農戶 高佬賢鬧爆朱凱廸 (原文連結)

建制派同本土派喺議事廳經常駁火,但戰火竟然蔓延到社區。立法會漁農界議員何俊賢(高佬賢)同香港農業聯合會尋日舉行記者會,高佬賢指接獲農友反映,前日喺天水圍天耀邨假日墟市首日開幕,但朱凱廸就喺社交網站號召支持者「踩場」,搞到班農戶冇生意做,該會仲譴責朱凱廸嘅做法係將民生議題政治化。但朱凱廸就反駁指摘,話請願人士只係表達訴求,做法冇唔妥。

斥民生議題政治化

2017年5月27日 星期六

[領展商場] H.A.N.D.S @2017-05-27

O2檔案室:

H.A.N.D.S
地址:新界屯門鄉事會路2A
內部樓面面積:192,799呎
入伙:約1980年(樓齡37年)
年收益比較:安定商場  $71.2M / 107,828呎

2017年5月24日 星期三

黑RAIN你真狡猾,老是常出現

環翠商場離AEI之期愈來愈近, 領展下個月尾就會收回所有舖位進行翻新, 有消息指, 只有3樓的惠康和4樓的護老院唔使郁。

O2經常光顧連鎖快餐店, 是環翠G樓老麥的常客, 該老麥亦即是上次因黑雨水浸而見報嗰間。

今日出門口時, 好似係黃雨, 咁啱O2又去老麥買野食, 食食下, 出面雨勢愈來愈大, 行不得也哥哥, 迫住要再坐一會, 忽然間, 見商場內有人團團轉, 整呢整路, 好似話轉咗黑雨喎, 仲話出面迴旋處又水浸了。
 
 
1. 華興傢俬 (G10A號舖) 係柴灣地膽, 佢地見勢色唔對, 率先落水閘